Biopren 4 GR Plus lirfueitur 5 kg

Biopren 4 GR Plus er tilbúið kyrni til varnar gegn flugulirfum og lirfum drítbjalla í gripahúsum. Varan inniheldur vaxtarstýringarefnið S-metópren sem kemur í veg fyrir að lirfur þroskist eðlilega yfir í fullorðnar flugur og bjöllur.

Efnið verkar gegn lirfum húsflugu, stingflugu, sveifflugu og dritbjöllu. Það hefur hins vegar ekki áhrif á fullorðnar flugur eða bjöllur. Með reglulegri og réttri notkun dregur Biopren 4 GR Plus verulega úr fjölda nýklakinna fullorðinna skordýra. Hæg losun virka efnisins veitir langvarandi virkni og getur komið í veg fyrir uppkomu flugna og drítbjalla í allt að 12 vikur.

Varan er ætluð til notkunar í lokuðum svínastíum, fjósum, alifuglahúsum og öðrum gripahúsum þar sem lirfur þroskast í mykju, driti eða lífrænum undirburði. BIOPREN 4 GR Plus er tilbúið til notkunar og er dreift beint á yfirborðið, til dæmis með handvirkum korndreifara.

Notkun og skammtar

Dreifið Biopren 4 GR Plus jafnt yfir yfirborð mykju, drits eða lífræns undirburðar.

Skammtur: 30 g á hvern m²

Meðhöndla skal allt viðkomandi yfirborð. Ekki nægir að dreifa efninu eingöngu á afmarkaða bletti.

Svínastíur og nautgripahús

Rimlagólf

Dreyfið efninu á þriðja degi eftir að nýtt búfé er komið inn í húsið. Meðhöndlið allt yfirborð mykju eða drits sem safnast hefur upp undir rimlagólfinu.

Endurtakið meðhöndlunina eftir að hvert nýtt lag af ferskri mykju eða driti hefur náð um 8 til 10 cm þykkt.

Djúpur undirburður

Dreyfið Biopren 4 GR Plus á hvert nýtt lag af undirburði eða driti. Endurtakið meðhöndlunina fyrir hvert nýtt lag sem er um 8 til 10 cm að þykkt.

Alifuglahús

Búr

Meðhöndlið uppsafnað drit undir búrunum. Endurtakið meðhöndlunina eftir að hvert nýtt lag hefur náð um 10 cm þykkt.

Djúpur undirburður

Dreyfið efninu á hvert nýtt lag af undirburði eða driti. Endurtakið meðhöndlunina eftir hvert nýtt 10 cm lag.

Hvenær skal hefja meðhöndlun?

Ráðlagt er að dreyfa Biopren 4 GR Plus á ferska mykju eða drit innan þriggja daga frá því að búfé er sett inn í húsið. Síðan skal endurtaka meðhöndlunina eftir því sem ný lög af mykju, driti eða undirburði myndast.

Gætið þess að ekki sé ómeðhöndluð mykja eða drit sýnilegt á meðhöndlaða svæðinu. Rétt tímasetning er mikilvæg þar sem efnið verkar á lirfustig skordýranna en ekki á fullorðnar flugur eða bjöllur.

Meðhöndlun á þurrri mykju

Ef mykjan eða dritið er mjög þurrt getur tekið lengri tíma fyrir efnið að virkjast.

Til að flýta fyrir virkni má úða 100 til 200 ml af vatni á hvern m² fyrir eða eftir að Biopren 4 GR Plus er dreift.

Mykja sem geymd er utandyra

Nota má Biopren 4 GR Plus á mykju sem geymd er utandyra, að því gefnu að hún sé geymd í lekaheldu og einangruðu íláti eða safnþró.

Geymslustaðurinn skal vera að minnsta kosti 15 metra frá gripahúsum. Dreifið 30 g/m² jafnt yfir hvert nýtt lag af mykju sem er um 10 cm að þykkt.

Hætta skal meðhöndlun mykjunnar að minnsta kosti tveimur mánuðum áður en henni er dreift. Á þeim tíma er ráðlagt að verja mykjuna gegn nýrri ásókn flugna, til dæmis með yfirbreiðslu.

Umbúðastærð: 5 kg
Virkt efni: S-metópren 4 g/kg, 0,4%
Vöruform: Kyrni, tilbúið til notkunar